青雲同大象拍戲超驚險

劉青雲、溫拿等昨日到會展宣傳新戲，青雲自爆在新片中與大象結緣，又說唔好睇小啲象仔，發脾氣時仲難搞過啲大象。

劉青雲早前遠赴雲南拍攝電影《我的寵物是大象》，戲中的他與四隻大象及一隻小象演戲，他表示拍完戲沒感到不捨，但就大爆跟他演對手戲的小象很有性格，經常發脾氣。青雲說︰「隻象仔好好記性，會認得人，又有情緒，我餵過佢一次，之後無餵，佢就用象鼻掂我，提我餵佢，有時又會發脾氣走開，成個小朋友咁。」青雲坦言今次是難忘經驗︰「我拍嘅時候都有啲驚，因為要將手放入大象口，假如佢殺咗我，香港就少咗個影帝。」

此外，溫拿五虎宣傳以他們的故事為藍本的新片，同場還有陳家樂及王梓軒等「小溫拿」演員，但獨欠身在歐洲的譚詠麟。陳友透露新戲將大爆溫拿的秘密，例如阿倫失戀後避走新加坡的舊事。

撰文︰倪小珊

編輯︰陳禮恒

設計︰Simon