王敏奕預咗蔡穎恩爬頭結婚

王敏奕與曾國祥拍拖後不停放閃，令好姊妹蔡穎恩（Evelyn）相當眼紅，原來二人是透過雙方的男友變成閨密，但強調不會藉對方的關係探聽男友的事。

王敏奕和蔡穎恩昨日出席香水發布會，被問到可有借對方監視另一半？她們異口同聲表示不會，Evelyn笑說︰「其實我哋都係宅女，我比較鍾意煮飯同做運動，大家會有共同話題。」問二人會否於睡房傾密偈？王敏奕表示︰「呢啲事中學先會做，現在反而會一齊分享邊度有好嘢食，會約埋一齊去。」

等男友做主動

Evelyn又說二人會分擔工作的辛酸事，始終大家是同行。那她們又會否分擔感情上的憂慮？王敏奕隨即笑笑口謂︰「我無唔開心嘅事，我唔係曬命。只係講事實，我鍾意同朋友講開心事。」

既然二人感情要好，將來又會否相約一齊結婚？王敏奕說︰「我應該無咁快，你（Evelyn）要等埋我有排喎，而且我仲有好多嘢未做。」在旁的Evelyn提到結婚即笑得合不攏嘴，問她是否好事近？她說︰「女仔其實都好被動，我又唔係咁強勢去主動求婚。」

採訪︰Pauline

攝影︰林良明

編輯︰林梓添

設計︰招潤洪