薛凱琪細場開騷 同歌迷親密接觸

薛凱琪（Fiona）一直有個心願，想開小型個唱近距離與歌迷互動，最近終於落實4月6至8日假旺角麥花臣球場舉行三場《夢之途中》音樂紀，Fiona希望和粉絲似朋友、鄰居一樣，讓他們看到她平常心、自然一面。

拍攝個唱海報當日，一行人專程到深涌取景。換上工人褲和波鞋的Fiona分別放風箏、踩單車、和野餐，讓攝影師捕捉她最自然及最真的一面，她說︰「今次拍攝好開心，唔使着高踭鞋，唔需要刻意擺pose，只係好舒服和一班朋友野餐、玩。我咁大個女都無試過野餐，今次終於夢想成真。」

談到今次個唱帶給fans甚麼驚喜？Fiona透露︰「會唱一些side track嘅歌，仲有一啲我從來無喺公開場合唱過嘅歌。」雖然場地細了，Fiona直言比紅館演出更辛苦，而她的投入度亦會更高，現在要開始背誦歌詞。

VIP門票贈小禮物

Fiona個唱票價分$680及$480，為答謝歌迷又特別推出歌迷會專屬限量門票，票價$980，購買這類門票的歌迷會得到由她親自挑選及設計精美的小禮物外，在演唱會後更可與Fiona來個親密聚會，她會近距離唱出一些神祕歌曲，令歌迷有意想不到的收穫。

撰文︰Pauline

編輯︰黃寶恩

設計︰梁政敏