唐詩詠寧單身 唔想嫁錯郎

唐詩詠（Natalie）和男友洪永城最近傳出感情出現暗湧，惟兩人先後澄清關係無變，玄學家麥玲玲曾批算二人今年結唔成婚，就要等多幾年，Natalie並沒有因此而心急結婚，還說寧願單身都不想揀錯老公。

唐詩詠昨日出席化粧品牌活動，還即場舉啞鈴示範健胸動作，事後被問到健胸可有成效？她笑言︰「其實只係將胸肌嘅肌肉練得結實啲，我仲要努力練習。（男友有無試下係咪有成效？）佢自己都要努力去收身啦，我無畀佢驗，等自己滿意先。」

否認搵C君擇日結婚

她又說要保養皮膚千萬不可以偷懶，平日會做運動，她自知相當貪吃，所以不會刻意節食，反而會在其他地方努力。

談到最近有人目睹她與C君約會，似是請教對方為她和洪永城擇日結婚，Natalie笑言︰「邊有人搵佢擇日呀？純粹食餐飯啫。（好事近？）無諗呀，講緣份，或者會一時衝動（結婚）都未必，好難估計。」問到Natalie會否考慮今年拉埋天窗？她就說︰「好多人都同我講過，但係唔可以因為有人咁講而去做呢個決定，寧願單身好過揀錯老公，（係咪因為男友有前科，所以睇定啲？）可能佢想睇定啲我呢！（求婚未呀？）行為上未有，佢嘅行為長期處於玩嘅狀態，就係因為個人古靈精怪，所以做節目先好睇。」

採訪︰Pauline

編輯︰林梓添

設計︰招潤洪