否認女追男 馬明：係我約人出街

黃心穎入行前一直視馬國明為偶像，近日她被撞正與男神單獨約會睇戲，女方更開到口唔介意馬明悶，不過馬明仍三番四次表示二人仍了解中，但就好介意被寫成女追男。

馬明昨日出席健康食品活動，被傳媒逼供，事關心穎前一晚在澳門出席活動時已表明，現在只對他一個了解中，不過馬明笑笑口謂︰「等我了解下先，我都唔知，佢又無同我講呢啲。（佢話剩係對你一個了解中喎。）我好少約女仔出街嘛。（大家知對方點諗？）你哋講我先知咋！」談到心穎公開讚他，還幫口說他悶有悶好，馬明也立刻讚心穎性格爽朗，當問他對心穎有沒有感覺？他即推說︰「之前我生日佢都無送禮物畀我……真係（拍拖）先算啦，了解中囉，都未有時間約出嚟了解，我都唔知係唔係。」同時他希望大家不要寫成心穎追自己︰「寫到女仔追男仔，萬一唔係大家想像中咁樣，個女仔好慘㗎！」

自認精明消費者

當談到他近日花84萬元買倉底新車，他強調車款是2015年出產，直至現在還是新款，更以「寶物尋歸底」來形容，「我係精明消費者，寧願畀人話慳家好過話我做水魚。（追女仔係咪都唔要做水魚？）另一樣嘢喎！買車為咗Daddy，因為近年佢行動不便，車身高上落麻煩。（心穎BB幾時有得坐？）暫時得我媽咪坐過咋。」

另外，同場的朱千雪被問到可知道馬明和心穎的緋聞，她說倘若是事實會祝福他們，又覺得二人外形合襯。仍是單身的她自爆，剛過去的情人節只是約會去年甩拖的岑杏賢，她重申擇偶對象不一定要高學歷和高收入，最重要合眼緣，是否圈中人都無所謂。

採訪︰Pauline

編輯︰林梓添

設計︰梁政敏