林夏薇要老公做白老鼠

林夏薇昨日出席劇集宣傳活動，早前到美國登台，透露在當地買了一個煲返港，準備在情人節下廚炮製海鮮煲與老公燭光晚餐。喜歡下廚的她平日亦會設計新菜式讓老公做白老鼠，她說︰「佢（老公）想食乜我就去學，佢笑我係網上廚師，因為我會上網搵創新嘅食譜。」薇薇說老公就算幾忙都會回家食她煮的東西。談到陳展鵬在《乘勝追擊》中被吳岱融連摑十巴，看到觀眾相當肉緊，薇薇說︰「其實拍嗰時我準備入去拍下一場，喺玻璃見到直情係驚，我唔敢郁，怕影響到佢哋，真係見到都痛。」

攝影︰林良明