何雁詩拒同陳瀅裸浸溫泉

李施嬅與何雁詩在新劇《天命》中同樣需戴頭套，之前曾試過戴頭套弄傷頸椎的李施嬅表示，早前因跳拍陳展鵬戲份，令她每日開工足16個鐘，加上頭飾非常重，卒之搞到頭皮紅腫兼且甩皮，最慘是出現甩髮情況，足足有兩個五蚊銀的大窿是沒有頭髮，她扁扁嘴謂︰「如果生唔番頭髮就要睇醫生喇！」

何雁詩在新春期間與陳瀅和劉佩玥同遊日本，她因要開劇而提早回港，她笑言吃喝玩樂幾日，變了Holiday Face，她又興奮表示︰「我哋去咗着和服，我着出嚟唔似少女，似少奶囉！（有無一齊浸溫泉？）我有提議，但大家太熟，互相裸露好似怪怪哋，等友情可以進一步先。我哋都有直擊除衫，但除極都仲係好多衫，哈哈！」