傳嘉玲與之之不和 梁朝偉：冇嘢嚇到我

梁朝偉、陳奕迅及台灣女星張榕容昨日在紅磡碼頭登上帆船，宣傳新片《擺渡人》。提到早前劉嘉玲與關之琳傳反目，偉仔笑說：「我睇新聞先知。（聽到嚇一跳？）依家冇咩嘢可以嚇我一跳。」

偉仔表示剛在上海拍完《歐洲攻略》，即回港宣傳新片《擺渡人》，但隨後又要飛往北京趕拍另一新片《捉妖記2》，連本周四（8日）嘉玲生日，也預告未能一齊慶祝。「嘉玲都要工作，今年我冇驚喜畀佢，連生日禮物都趕唔切買，惟有後補。」提到嘉玲與之之一事，嘉玲可有向偉仔訴苦？他笑說：「佢冇講。（安慰嘉玲？）唔使啦。」

Eason讚偉仔歌喉

Eason在戲中飾演失意歌手，並負責唱電影主題曲。提到偉仔同樣為《擺渡人》獻聲，Eason為偉仔唱demo之餘，更大讚對方唱歌好聽。「佢喺戲中有唱我隻《十年》，唱得好有感情，通常演戲好嘅人唱歌都好。依家聽歌唔係聽技巧，而係聽感情。」張榕容在戲中與金城武演情侶，更有咀嘴戲。她說：「我們的吻戲都是搞笑的。」

採訪：李潔盈

攝影：林良明

編輯：陳禮恒

設計：K