舒淇明年大計：唔拍戲就生B

舒淇昨日出席護膚品牌活動，提到她在金馬獎頒獎禮上，被司儀陶晶瑩誤傳有孕，舒淇笑笑口指不會嬲對方：「只係講笑啫。（回港時在機場暴走證明未懷孕？）唔係，只係我驚影響到其他旅客，估唔到咁多記者，冇諗到一個小小玩笑，搞到咁大風波。」她坦言生小朋友是順其自然，「成日有人問我係咪有孕，其實中國人懷孕未夠三個月唔講得，我又唔想講大話，所以大家有懷疑，就唔好問我。」問她明年大計，她笑說：「其實我一直想退休，如果唔拍戲，就可以好好咁生小朋友。」