袁偉豪想同岑杏賢復合

袁偉豪（阿Ben）和岑杏賢上周突然宣布「分訊」，令不少人大跌眼鏡。而自從傳出分手後，男方的緋聞便排山倒海湧現，跟他扯上關係的女星名字一個接一個。不過阿Ben似乎對岑杏賢仍未死心，更暗示過一段時間希望可以對她重新追求，並下決心以誠意打動對方。

袁偉豪昨日到紅磡出席《聖誕送禮王爭霸戰》活動，回復單身的他留了鬍鬚，看起來有點憔悴。談到他與岑杏賢分手，今年豈非要過寂寞聖誕？阿Ben表示：「聽日會去深圳開工，平安夜返香港出席活動。」問到聖誕節會否主動搵岑杏賢？阿Ben說屆時會send聖誕祝福語給對方，他突然感觸表示：「同佢過咗三年聖誕節，最難忘係有一年自己患上急性腸胃炎，好彩岑杏賢一直陪伴在身邊。」

對女藝員採適當避忌

Ben似乎不捨得舊愛，日前他也表明已獲岑杏賢原諒，問是否想復合？他就說：「遲啲先講，我個心係想追番佢，但係要有誠意，之前嘅事完結咗，依家要做好自己，等對方建立信心。」

問到經過今次事件，日後會否與其他女藝人避忌一點？阿Ben表示：「適當避忌都需要，要分清楚啲，呢方面自己都要檢討。」記者示意他要發力，他說：「盡力啦，聽日都要去深圳，禮物都未有時間揀，但我覺得物質唔重要，心靈先係最重要，我自己好想追番佢。」

撰文：Pauline

攝影：Lego

編輯：林梓添

設計：梁政敏