同謙謙分隔兩地搵錢 楊怡年底前冇機會造人

吳卓羲、楊怡昨早到荃灣出席慈善步行活動，抱恙上陣的楊怡，因為感冒而聲音沙啞，她表示跟老公羅仲謙近排各有各忙，笑言要到明年才可以再見面。

楊怡被問到是否與老公羅仲謙隔離？她笑言：「咁又唔使。（唔可以錫錫？）隔層沙紙囉。」由於謙仔將返內地拍戲，一直拍到年底，楊怡亦要排練舞台劇《我和春天有個約會》，因此兩人最快要明年才可以見面。

如此一來，造人大計豈不是要排至明年？楊怡笑謂：「依家都年尾啦，而且要調理身體，我食咗兩星期藥都未好。」她不諱言首次做舞台劇壓力大，體力應付亦大，有點緊張，希望明年可以實行造人計劃。

吳卓羲自由身

此外，以電影和內地劇雙綫發展的吳卓羲，昨日凌晨才由杭州回港，問他現時主力搵輕鬆錢？他說：「唔輕鬆㗎，要周圍飛，我沒有簽公司，依家自負盈虧，要努力搵錢。」問他會否覺得無綫近年出現青黃不接？他坦言：「舊嘅唔去，新嘅唔嚟，TVB畀好多機會新人，唔使成日都係林峯同吳卓羲。」

撰文：Pauline

編輯：陳禮恒

設計：K