王君馨 唔准未婚夫叫「老婆」

自從宣布圈外男友求婚成功後，王君馨（Grace）昨日首度現身公開活動，她表示未婚夫目前仍身在外地，所以還未商量婚禮細節，不過連日來已接受各方好友的祝福，她說：「我都要睇一班姊妹嘅檔期，鍾嘉欣又經常唔喺香港，不過都希望明年成事，至於舉行地點，又想喺外國，但係香港有好多朋友，好想同佢哋分享喜悅，所以都要視乎心水地方才決定日子。」

不過她最緊張的就是，由於還未行禮，她暫時都不准未婚夫叫自己「老婆」。她又說當日的求婚戒指會好好收藏，事關自己大頭蝦，最怕戴出街會遺失了。

此外，談到袁偉豪和岑杏賢分手，有傳兩人曾因為她而鬧交，Grace聞言後反問：「咁得意？」她重申與阿Ben是好好的工作夥伴，亦祝福兩人會找到另一半。