李施嬅接受同外籍男拍拖

李施嬅、張曦雯及莊思明等昨日出席明珠台節目《酒遍全世界3》宣傳活動，單身的李施嬅早前在社交網站Po出與外籍型男的親密合照，她澄清對方只是微電影拍檔，但似有發展機會。「大家相處下先，佢喺美國住，有西班牙血統，係好男仔。」

李施嬅早前到法國拍攝節目，她大讚法國男士有風度。施嬅表示：「同我拍檔嘅法籍主廚好gentleman，當地男仔好浪漫，可以試下做男友。」她表示主廚已經結婚，可惜自己忘了叫對方介紹男仔。

提到李施嬅日前在台慶表演「揈腳彈鋼琴」，在鏡頭面前露出一雙美腿，表情古怪卻充滿誘惑。她笑說：「估唔到會咁（外間反應好），我細個睇到類似嘅表演，依家終於可以試，其實我打晒底，一定冇走光。」

張曦雯愛裸睡

同場的張曦雯以低胸裝襯短裙，同樣十分誘人，但她死也不肯除下外套曬身材。「我裏面係真空，因為我趕住嚟，同埋我崇尚自然。（平日會裸睡？）我鍾意自由啲，況且女仔咁樣都會發育好啲、健康啲，不過我會閂門（瞓）。」她又笑言並非露體狂，所以未試過去沙灘裸泳。

撰文：李潔盈

編輯：陳禮恒

設計：招潤洪