霆鋒下廚搵王菲試食

謝霆鋒喜歡下廚，在圈中無人不知，近年更推出自家品牌曲奇，不少身邊好友食過都讚不絕口。不過，講到女友王菲是否經常嘗到他的廚藝，霆鋒即表現得很怕羞，不欲多言。

謝霆鋒與國泰港龍航空合作，推出港式茶餐廳「鋒味」曲奇，昨日霆鋒就以一身廚師打扮現身在航機上，並向乘客大派親手焗製的曲奇。

做事向來認真的霆鋒，在派餅期間不忘擺出一副chok樣，十分搞笑。問他的家人可曾嘗過他親自下廚的菜式？霆鋒表示一定有，至於女友王菲又是否經常試味？霆鋒聞得阿菲個名，即笑笑口謂：「一定會遇到，佢哋成日搭飛機！（阿菲鍾意食邊款曲奇？）唔答你！」當記者再追問阿菲是否經常試食？他怕醜表示：「有。」

一年只拍一部戲

此外，霆鋒又表示即將為明年賀歲片《鋒味江湖之決戰食神》宣傳，他說：「呢套戲與葛優、韓星鄭容和及唐嫣等合作，觀眾睇戲嘅時候，一定會感受到色香味。」有指他近年似乎減產拍戲，霆鋒解釋目前正奉行一年拍一片政策，目的旨在放多些時間在飲食生意上。

撰文：Pauline

編輯：陳禮恒

設計：梁政敏