陳凱琳未計劃同居

無綫《萬千星輝賀台慶》本周六舉行，多位歷屆港姐如陳凱琳（Grace）、麥明詩、劉佩玥及馮盈盈等，前晚齊集電視城為「智靚合唱團」表演項目排舞，Grace趁機會回應暫時未考慮與男友鄭嘉穎同居。

早前有報道稱陳凱琳與鄭嘉穎過着甜蜜同居生活，Grace前晚表示誤會，並解釋：「係有時我哋相約出街食飯，我會先去嘉穎屋企集合。暫時仲未計劃同居，慢慢嚟。」

Grace最近接受了矯視手術，她表示眼部康復進展不錯，起初不習慣還以為自己忘記除隱形眼鏡。男友近日有否陪伴？她笑說：「佢唔喺香港，要自己照顧自己，但佢有send短訊畀我。」

劉佩玥11月都中暑

同場的麥明詩被追問前緋聞男友何浩文近日有新戀情，宣布與空姐拍拖。麥明詩表示有留意報道，問她可有甩難的感覺？她笑說：「又冇話甩唔甩難，因為佢係電影男一，冇需要搵我嚟博宣傳。（仲有冇聯絡？）除工作上，其餘時間好少聯絡。」

至於劉佩玥日前為新劇《降魔的》拍攝結婚戲時中暑，她笑說：「我諗冇人聽過11月都會中暑，在烈日當空下穿婚紗拍戲，戴咗頭紗、婚紗又有八層，真係幾焗。」

撰文：Pauline

攝影：Lego

編輯：陳禮恒

設計：K