【上環】丼飯新店 海膽每板$88起

位於上環的丼飯新店，專攻環球靚海膽。舖頭大廚兼老闆劉先生做日本菜近20年，認識不少供貨商，今次開店避用Supplier，直接跟各國海膽的本港代理取頭手貨。

最勁是連原隻的日本、加拿大活海膽都可以預訂到，最細隻都重150g，成個網球般大，定價比餐廳平三成。海膽款式多，由高貴的北海道根室海膽、到中價的加拿大、加州、韓國紫海膽，甚至平民點的韓國馬糞膽都有，絕不入冷藏的海膽，豐儉由人。除原板海膽外，師傅又用不同海膽炮製47款刺身丼飯、壽司等，好誘惑呀！

海膽屋

地址：上環永樂街28-34號地下A舖

電話：2409 2409

營業時間：12nn-10pm