城城偕女友 約Iron Man飲茶

擁有無數靚車的郭富城，早前出動私伙「戰車」為香港迪士尼樂園拍攝宣傳片，為明年初開幕的全新遊樂設施「鐵甲奇俠飛行之旅」造勢。城城心情興奮，他直認是鐵甲奇俠的die hard粉絲。

郭富城昨日現身樂園，首度與鐵甲奇俠齊齊登場。早前城城出動私伙林寶堅尼超級跑車「牛中之王」拍攝宣傳片，他在台上笑言：「我揀呢款車用嚟拍攝，因為覺得好有鐵甲戰車嘅感覺，用來配合當晚駕駛戰車去同Iron Man見面，比較切合主題。」據悉，新遊樂設施將充滿香港特色。

活動後，城城笑言藉着今次合作，跟鐵甲奇俠friend了。而扮演Iron Man的荷里活男星羅拔唐尼（Robert Downey）訪港，城城也獲邀與對方會面，城城還透露曾帶他嘆茶：「梗係帶佢飲鐵……觀音啦！」

首次入香港迪士尼

城城昨日與1︰1高度的Iron Man見面，曾多次飾演英雄人物的他，亦大讚鐵甲奇俠是真正的超級英雄，更表示能夠與他同場是一件開心事。城城還提議拍新戲再扮演孫悟空，然後跟Iron Man來個crossover。

此外，談到「鐵甲奇俠飛行之旅」將於明年1月11日開幕，屆時他會再到訪樂園遊玩嗎？城城表示一定會，透露已相約一班舞台上的團隊一齊試玩全新遊戲。問他是否首次到訪香港迪士尼樂園？他不諱言：「其實都係，反而喺外國就有去過。」他又表示，該遊樂設施可帶給他新的舞台設計靈感。最後，追問他會否帶女友方媛（Moka）一齊到樂園玩？他聞言後笑笑口謂：「將來一定會！（帶佢見Iron Man？）一齊飲茶囉！」

採訪：Pauline

編輯：陳禮恒

設計：梁政敏