憂老公患病方寸大亂 何超儀感謝家人支持

早前陳子聰入院留醫，幸而他的病情已逐漸好轉，日前更已秘密出院，在子聰留院期間，一直對他的病情絕口不提的何超儀，昨日出席慈善活動，終大方面對傳媒，亦剖白了老公養病時所承受的壓力，如今見他逐漸康復，整個人也輕鬆過來。

何超儀昨早以一身運動裝扮，出席慈善步行活動，她表示平日會特別關注老人家問題，她說：「每當睇到有關老人家出事嘅報道就會好心酸。」她不諱言今年老公陳子聰發現身體有毛病時，她方寸大亂，超儀說：「係呀，好多謝好多朋友同屋企人嘅出現，救咗我呀，本身都有四圍打電話向朋友求救，自己好多嘢都唔識，有乜解救方法又唔知。」她更表示會考慮藉今次機會分享自己經歷。

未諗點同賭王慶生

子聰目前已出院回家休息，超儀透露老公出院後每日都有做適量運動，有時還會陪他一齊跑步，她笑謂：「我依家追唔到佢，佢好乖，好有決心，仲fit過我，成日早起身過我去做運動，有時我主動提出同佢一齊做運動，點知佢同我講已經做完返嚟。」

那她又會否拉爸爸賭王何鴻燊與老公一齊做運動？超儀表示：「有時我都返去同佢做下運動，始終老人家唔願郁，我都要諗辦法提佢，等佢郁多啲。」賭王將於今個月25號生日，超儀稱還未安排怎樣慶祝，不過一定會一家人食飯。

撰文：Pauline

編輯：林梓添

設計：梁政敏