【聲明】港生活網站並無進行電話推廣活動

無懼太太面前錫女Dancer 蔡一智:佢睇得好開心

發佈時間: 2016/11/04

草蜢前晚假會展舉行拉闊音樂會,三子演出勁歌熱舞相當落力。蔡一智的老婆也有捧場,但他毫不避忌在老婆面前與女dancer嘴對嘴;而蔡一傑在獻唱《媽媽》時更感觸落淚。

草蜢在音樂會上表現落力,當中不乏性感一面,他們演唱《偷偷看》時,與四位性感女dancers大跳辣身舞,期間蔡一傑跨在女dancer身上,意識大膽,阿智更與女dancer嘴對嘴,令台下不停傳出歡呼聲。在唱出《仍然能自己》時,就由四位健碩男dancers與三子跳貼身舞,熱舞期間不時赤裸上身騷肌肉。最後草蜢唱出快歌《ABC》為演出劃上完美句號。

完騷後草蜢表示今次特意邀請多位他們欣賞的年輕音樂人合作,如AGA、組合新青年理髮廳及MastaMic等。問到可擔心邀請太多嘉賓而不夠時間唱自己的歌?他們直言真的不夠,不過今次主要獻唱一些滄海遺珠的歌曲,反而覺得很過癮,他們笑言:「好似去咗卡啦ok咁。同埋啲歌花咗好多心思去重新編曲及Crossover,日日夜夜去排。」

阿傑憶母感觸落淚

阿智在台上與女dancer嘴對嘴錫錫,問到老婆事前可知情?他即帶笑反問:「係咩?有咩?好似冇排過,我唔知佢知唔知,但係關乎音樂會氣氛,啱就得,佢應該睇得開心嘅!」至於阿傑在演唱《媽媽》時感觸灑下男兒淚,他表示投入演唱時眼淚就不期然流出來:「我記得我寫呢首歌時,寫完喊咗兩次,其實隔咗一段時間,估唔到仲會喊。」他承認每次諗起媽媽就會很感觸,更笑言以為可以好型,卻被大家拍下這一幕。

撰文:Pauline

編輯:林梓添

設計:梁政敏