猷君認戀CoCo 四太未肯開綠燈

賭王何鴻燊四房孻仔何猷君日前公開承認與組合「少女標本」成員袁紫僑（CoCo）拍拖，不過四太梁安琪前晚出席活動時，直言未見過CoCo真人。

四太梁安琪前晚與何超盈及何猷亨到中環出席慈善首映禮，今次超盈文化有份贊助，活動搞得有聲有色，四太亦開腔大讚：「超盈有今日少少的成功，全賴佢自己的努力。」

見過晒囝囝女朋友

提到猷君和CoCo剛公開戀情，問四太是否開綠燈讓二人拍拖？四太即反問：「邊個嚟㗎？四哥（謝賢）都有個CoCo喎！」後來才續說：「後生仔、後生女拍拖係應該，係一個過程。（有冇見過CoCo？）唔知係邊個。（帶畀你見？）冇所謂，佢啲女朋友我個個都見過。（覺得佢一年換幾個女朋友太快？）邊個換得快你就問番邊個。」

撰文：倪小珊

攝影：Lego

編輯：林梓添

設計：招潤洪