中環日本燒 靚食材掛帥

中環新店「Nunu燒」舖面不大，只得14個位，主打串燒和燒物。老闆特別從日本訂來電烤爐，溫度高達800℃，輕易把食材烤得外皮微焦，鎖住肉汁。另一個頂部有「龍紋身」的餃子爐同樣是日本貨，既能煎香食物，又可合上蓋焗煮。

店內約九成食材來自日本，像鹿兒島A4和牛、阿波尾雞、黑豚、鰻魚、帶子及松葉蟹等。Menu貴精不貴多，串燒可逐串柯打，比一般串燒店有彈性，簡單用鹽燒或惹味點用蒜燒，蒜蓉更是先以花雕炒香增添蒜香及酒香。

丼飯有驚喜

試過黑安格斯牛、日本黑豚肉眼，外焦內嫩帶肉汁。驚喜位有原條日本鰻魚，放在烤爐上邊烤邊塗自家製鰻魚汁，濃稠香甜，令鰻魚更惹味。推介日本阿波尾雞翼，生炸後雞皮薄脆，肉嫩富雞味。松葉蟹蓋看着已夠吸引，釀入蟹肉、蟹膏及雞蛋同燒，甘香鮮甜混合，食完好滿足。

為照顧一眾澱粉質粉絲，小店也供應原本只為午市而設的丼飯。推介溫泉蛋雙重火山芝士咖喱牛肉飯，有清酒炒香的牛肉、芝士、咖喱（內有洋蔥薯仔甘筍等）及蛋，跟秋田小町米拌勻大啖食，正！

Nunu燒

地址：中環和安里11號地下

電話：9192 9294

營業時間：星期一至四11:30am-4:30pm、7pm-11pm；星期五11:30am-4:30pm、7pm-2am；星期六6pm-2am，星期日及公眾假期休息

平均消費：$300

編輯：余敏

設計：李明