林峯冇傾過返無綫

林峯簽約英皇以來，發展相當不錯，除了有機會再在紅館開演唱會，還返內地拍劇搵真銀。近日有傳樂易玲拉攏他簽約邵氏，令林峯和無綫的關係可望破冰，不過林峯已立刻否認傳言。

林峯昨天出席港台舉行的《2016全球華語歌曲排行榜》頒獎禮，奪得「地區傑出歌手獎（香港）」。他很高興加盟英皇以來，公司一直為自己爭取機會。談到早前他在楊怡的婚禮上獲無綫訪問，加上有傳高層樂易玲斟他過檔邵氏，正當以為他與TVB關係破冰之際，他強調：「冇傾過，我都好surprise，不過嗰次訪問係個好開始，（今日都有搵你做訪問？）我隨時ready！（期待踏出第一步？）冇乜特別，都係做嘢啫。」

與舊同事仍有聯絡

林峯又表示樂小姐沒有斟他返無綫，事實上自從簽約英皇後非常愉快，老闆成日support，至於與英皇的合約年期，他並沒有透露，只謂大家合作得很開心，他說：「其實一直有同舊公司同事聯絡，好多監製見到我都問幾時再合作，我就無所謂，時間上公司會安排。」

採訪：Pauline

編輯：林梓添

設計：梁政敏