完成4場個唱 阿詩笑言隨時榮休

前晚是何韻詩紅館個唱尾場，適逢其師傅梅艷芳生忌，阿詩憑歌寄意向梅姐表敬意。對很多好友沒到來捧場，阿詩表示明白他們身不由己。

10月10日是梅艷芳53歲生忌，阿詩在演唱會中唱出《如無意外》時不斷望着天花板，又指着半空說：「今日係……生日快樂，因為呢個人，所以我踏入呢一片咁神奇嘅地方，呢個我行咗好耐嘅地方，今年係第20年，畀咗我好多回憶，亦喺我嘅音樂中紀錄咗好多我嘅成長。」她哽咽道出師傅臨終前送她一個盒，她由衷表示：「覺得（盒）入面係幾深幾重嘅，亦帶住一啲黑暗，呢啲黑暗令我曾經迷惘、迷失過，最後發現盒中裝住嘅嘢係對我之外，亦係對呢個地方嘅一個禮物。」

阿詩唱完《是有種人》後向觀眾90度鞠躬，之後喊着多謝每位曾與她並肩作戰的人，觀眾報以熱烈掌聲支持。

不怪責朋友未能捧場

完騷後，阿詩受訪時表示會休息，笑言可能榮休，事關未接到工作，她不諱言：「圈內有朋友話想來睇，但驚有困難，可能佢公司驚，都有少少可惜。」談到杜汶澤在facebook撰文為阿詩慨嘆：「朱門酒肉臭，昔日攬攬錫錫的藝人擠擁在水洩不通的走道，今日只剩下花牌十件八個。我們這一行現實得像政界。」阿詩就感激到場撑她的朋友。那是否睇清好多朋友？她表示：「好多嘢身不由己，我唔會怪責佢哋。」

撰文：Pauline

攝影：Lego

編輯：黃寶恩

設計：招潤洪