游學修唔交待感情事

游學修與蘇麗珊宣布感情關係處於冷靜期後，昨日男方現身保良局慈善跑活動。游學修甫見傳媒已經率先開口：「我知大家想問乜，希望大家體諒明白，你哋知我性格，平時乜都講，今次唔希望影響到人，點樣發展要睇落去。」

是否還有機會復合？游學修只叫大家給他們空間，現階段不想交代太多。是否如外傳出現第三者？他只答：「唔好意思。」之前蘇麗珊被影到與顧定軒一齊逛街，是否成導火綫？游學修即緊張表示：「係好朋友。（佢係咪第三者？）唔好意思，已經講晒，唔想出嚟又畀人話博宣傳。」說罷他禮貌地向傳媒鞠躬。