謙仔娶楊怡 熊出沒 製驚喜

羅仲謙抱得美人歸，前晚在婚宴上多番整喊老婆楊怡。謙仔知道阿怡最喜歡卡通人物，繼追求時出動唐老鴨打扮，婚禮上則化身鬆弛熊製造驚喜，豈料阿怡以為扮熊出場的是林峯。

羅仲謙、楊怡前晚完婚，在酒店休息一晚後，昨午約三時，兩人身穿黑白情侶裝離開酒店，戴着墨鏡接受媒體訪問。作為婚宴的高潮位，一定是羅仲謙扮鬆弛熊向太太清唱《分分鐘需要你》，令楊怡感動得淚灑當場。謙仔表示：「因為婚宴嘅嘢都係阿怡做晒，我想畀啲驚喜佢，所以扮公仔。」他又謂追求時扮唐老鴨，結婚時扮鬆弛熊，兩個卡通人物都是老婆最喜歡的，身旁的楊怡甜絲絲笑謂：「真係幾驚喜，開頭問佢有乜嘢驚喜畀我同賓客，佢仲話冇，我叫佢唱歌，佢又話冇練歌。」

摸Kay個肚沾喜氣

不過，楊怡竟差點擺烏龍，她說：「本來阿峯（林峯）話嚟唔到，後尾在婚宴上見到隻熊，我仲諗既然人都嚟到，使唔使扮熊呀？點知望下對腳，我就一眼認出係謙仔喇。」在旁的謙仔尷尬傻笑：「係囉，唔記得換（熊腳）好失策。」

兩人曾表示要兩年抱三，洞房夜可有趁機「造人」？楊怡說：「過埋今日啦，休息下先。」她又說長輩都沒有催他們，但楊怡前晚見到「大肚婆」謝安琪（Kay），亦有趁機摸摸她的肚皮沾喜氣。

撰文：Pauline

編輯：陳禮恒

設計：梁政敏