彈古仔唱《今期流行》難聽 鄭中基補鑊：我想搲撈

鄭中基（Ronald）日前擔任ViuTV節目嘉賓時，直言人生中聽過最差的歌是古天樂的《今期流行》！他笑言不擔心因此而激嬲古仔，認為古仔只是唔適合唱跳舞歌。

鄭中基與太太余思敏前晚拍拖出席《美國隊長3：英雄內戰》首映，Ronald表示女兒近期早睡，余思敏則慶幸難得可以拍拖。

Ronald日前在ViuTV節目《晚吹－真PK》笑指古天樂的《今期流行》唱得差，他解釋：「係覺得首歌唔啱佢，如果我做監製唔會叫佢唱快歌，佢把聲音低沉，唔啱唱跳舞歌，可以唱深情歌或中低音嘅歌。（你咁講怕唔怕古仔嬲？）唔怕，我其實係想搲份監製嚟做啫。」

怕飲老鼠酒

對於節目尺度被指過了火位，Ronald表示監製話可以講粗口，到播出時就會「嘟」，他續說：「我已盡量唔講，但佢哋係咪都嘟嘅，哈哈。」他又稱節目主持Kevin仔含林雪臭襪、食蟲和飲老鼠酒有點噁心，情願上去爆料也不願喝老鼠酒。

撰文：Pauline

編輯：陳禮恒

設計：鄧俊明