港姐試戴鑽飾 張寶兒增肥曬腩

《2016香港小姐競選》十位候選佳麗昨日穿上露腰裝，出席珠寶活動試戴首飾。向來纖瘦的3號張寶兒坐下時竟然稍稍凸腩，她笑言為了增肥，活動前吃了三個飯盒，令同場忍口減肥的2號劉穎鏇羨慕不已。

3號張寶兒（Bowie）自言現時努力增肥，「我之前戒油鹽糖減肥，去日本拍外景嗰陣，覺得自己太憔悴同冇血色，所以依家增肥到106磅，精神咗好多，決賽前都會繼續增磅。（想上圍更豐滿？）如果得就梗係好啦，但唔知會肥喺邊。」相反同場的2號劉穎鏇正落力節食，「我見Bowie好瘦，都建議佢食朱古力，我好羨慕佢！」

9號陳睿雯自覺人緣好

昨日在一眾佳麗互選下，由9號陳睿雯奪得「最佳首飾演繹佳麗」獎項，她坦言獲獎感意外。「見到大家支持自己，好開心，亦都增加咗少少信心。（勝在人緣好？）可能係，我唔算特別活潑，都係做番自己。」

撰文：李潔盈

攝影：Lego

編輯：林梓添

設計：招潤洪