翠如BB罷睇親熱戲 Edwin護女友：換轉我都唔想睇

《巨輪II》今晚首播，近日播出的宣傳片，以蕭正楠（Edwin）和陳凱琳的咀戲最吸睛，黃翠如日前講明不睇這一幕，以免眼冤，身為男友的Edwin明白女友心情，更出言維護女友。

蕭正楠和田蕊妮等一班《巨輪II》演員，昨日到馬鞍山廣場出席宣傳活動，Edwin期望新劇承接近期的收視，他坦言劇集講求韌力，因《巨輪II》有39集，將播足兩個月。問到可會擔心觀眾無耐性？他充滿信心表示：「有睇第一輯嘅都會繼續追落去，今集多咗新人物會更好睇。」

劇中Edwin與陳凱琳發展一段關係，預告片中播出咀戲，提到女友黃翠如表明會跳過他與陳凱琳的親熱戲，對此Edwin笑謂：「佢畀馬國明激之嘛，馬明話睇完宣傳片好羨慕，我夠羨慕佢買新樓啦！（同翠如一齊睇？）唔使啦，換轉佢拍（咀戲），我都唔想睇！

阿田望收視承接上輯

上輯《巨輪》收視及口碑俱佳，阿田期望新一輯收視能承接到，加上最近TVB幾齣劇都成績理想，她笑言不想自己演出的劇收視下跌。《巨輪》為她贏視后，今輯有信心再奪視后？阿田謙稱現在言之尚早。

談到鍾嘉欣在溫哥華誕B女，Edwin趁機叫她返港宣傳劇集，還說：「最好帶埋BB返嚟宣傳。我未恭喜佢，等佢返嚟再親口恭喜佢。」

《巨輪II》無綫翡翠台 今晚8:30首播

撰文：Pauline

編輯：黃寶恩

設計：Stephen