米芝蓮廚設計 金鐘摩登意菜

去開太古廣場，會見到毗連戲院的新意大利餐廳Operetta。佔地五千多呎，進門就見酒吧位，全日可暢飲，再走進去是用餐區，還有兩間可打通的VIP房。

新店裝修摩登中帶典雅，天花、牆身貼上意大利牆紙，花紋細緻；木紋枱綴以金屬圍邊，跟色彩繽紛、格仔紋座椅mix and match；還有古堡feel的大吊燈、磚牆及鏡飾，拼湊出不同風格。

擅長法日料理

以為新餐廳是吃平常意大利菜，才不，單看由米芝蓮二星餐廳Wagyu Takumi日籍大廚Mitsuru Konishi擔任總監，負責設計菜單，就知道會有新意。他擅長法日料理，更把意大利菜改頭換面，像Barley Risotto，用薏米取代意大利米，有嚼勁也更健康；「四式芝士薄餅」落到他手上變成「六式芝士」，更香更濃，還鋪上多片意大利豬油，超邪惡但好好食；傳統的米蘭小牛排，大廚嫌嚡口，因此將意大利小牛排加厚，醃味後蘸麵包糠香煎，充滿肉汁，墊底的自製Gremolata醬汁，夠清新。

日籍大廚也將家鄉食材跟意菜crossover，既用八爪魚煮意粉，又將梭子魚配Pesto、番茄沙沙及柚子汁，味道多層次，還可以找到用皇帝蟹、牡丹蝦、帶子烹調的菜式，煮法和用料均不拘一格。

Operetta

地址：金鐘道88號太古廣場1樓112號舖

電話：2115 8080

平均消費：午市$350、晚市$600

編輯：余敏

設計：梁政敏