新婚5個月 楊怡自爆日日造人？

楊怡和羅仲謙結婚已五個月，婚後兩人偶然會以夫妻檔出席活動。昨日他們就應邀到尖沙咀出席餅家活動，並即場挑選嫁喜禮餅。適逢楊怡37歲生日，身為老公的羅仲謙更送上一個寫上：「You are the only one」蛋糕給老婆。

兩人婚前一直低調，如今已結為夫婦，出席活動時終於可以公開親熱。活動上謙仔主動獻上情深的一吻，還主動又攬又錫老婆，如此高調放閃，被問到是否收很高酬金？謙仔表示：「我在屋企成日會做，都無錢收啦！」

組18人兄弟姊妹團

兩人婚宴已落實在10月2日於Ritz-Carlton酒店舉行，屆時將筵開40席，兄弟姊妹團共18人，楊怡透露婚宴籌備情況大致上差不多。問到玩新郎可有底綫？他們笑言：「最緊要唔好整亂頭髮同污糟。」至於禮餅封套就搵設計師刻畫了一個盾牌，寓意互為對方堅強的後盾。

昨日是阿怡生日，而日前（28號）就是謙仔生日，問到可有互送禮物，謙仔表示：「唔使啦，佢都送咗成個人畀我。」稍後謙仔要返內地工作，問到造人計劃，阿怡說：「日日都做緊，工作努力做人，生小朋友就隨緣啦。」

撰文：Pauline

攝影：Lego

編輯：林梓添

設計：K