君馨9月飛加國探望嘉欣BB

鍾嘉欣在溫哥華誕B，她在香港的好友都紛紛祝賀。昨晚《城寨英雄》舉行晚宴，嘉欣的好姊妹王君馨說：「嘉欣未同我哋講，如果佢生咗會替佢開心，佢真係好鍾意家庭同小朋友㗎，仲話要生夠四個。」君馨表示一班姊妹有個group chat，平日會閒聊，但最近未聽聞嘉欣有新消息，相信若她生了的話，應該仍很疲倦，無暇跟她們聯絡，王馨笑言：「嘉欣仔女都鍾意，我仲話自己小朋友一定要教得好，其他小朋友就可以縱壞，如果BB同媽咪傾唔掂可以搵我。（會飛溫哥華探她？）嘉欣結婚後未見過佢，九月中拍完劇都想去探佢，我會買禮物畀佢。」

至於嘉欣舊愛伍允龍則表示一定會恭喜她，問到最近可有主動聯絡她？伍允龍表示：「無呀，呢段時間畀佢休息下。我哋有聯絡，但唔算好密。」他又謂見到適合禮物會買給她的BB。

曾被傳力追嘉欣不遂的陳展鵬，對嘉欣生B一事，他強調：「佢係我一個合作嘅老拍檔。」對於未公開BB性別，陳展鵬認為神秘一點也好，暫時不騷擾她，讓她開心享受湊B樂趣。