不忿Kay被網民嫌個樣太假 張繼聰神回：我太太係真•漂亮

謝安琪（Kay）前晚在紅館完成尾場騷，隨即宣布暫別樂壇一年，專心相夫教子。剛巧她與經理人公司即將約滿，有傳Kay與長期戰友經理人夏森美鬧不和，遂決定用一年時間「過冷河」後自組公司重返樂壇。

謝安琪一連兩場紅館個唱圓滿結束，前晚尾場邀得偶像劉德華做嘉賓。完騷後，張繼聰亦有出席慶功宴，阿聰更同老婆溫馨自拍放上fb，卻有網民留言：「張太個樣假D，千其（祈）唔好做薛x倫二號呀。」留言一出，阿聰即時神回應：「我覺得我太太是真．漂亮！小姐，你覺得留下這樣的文字，我看到會有甚麼反應？你是真的擔心？還是純粹無聊？真的很想知道你的思維方式，求對話！」過百粉絲回覆「讚好」力撑張繼聰。

不排除再懷孕

談到將暫別樂壇一年，是否如外傳般與經理人不和？Kay在慶功宴上表示：「呢啲傳聞喺邊度嚟，外太空？我同夏森美關係一直友好，大家相處好開心，我打從心底咁錫佢，其實我好多謝佢，佢係一個好長綫嘅人，佢喺我生小朋友嘅時候，就已經同我講，話一個女人結咗婚有咗小朋友就要計劃自己將來嘅路點行，去到某個年紀，要諗係咪會再生小朋友定要休息。」Kay否認是想趁一年時間自立門戶，又說稍後會協助宣傳播映中的《殭》劇。

雖然被多次追問停工是否想生孩子，Kay笑說大家不要給她壓力，有B的話當然開心，但這不是首要任務，因她真的想回家當女兒、媳婦、人妻及人母的角色。

此外，夏森美重申Kay一年前已決定暫別樂壇，因她的身體一向不太好，休息對她是好事。他重申從沒當Kay是搖錢樹。

撰文：Pauline

編輯：陳禮恒

設計：鄧俊明