霆鋒評童童歌藝：叻過我有幾難

謝霆鋒昨日在佛山西樵山國藝影視城為電影《鋒味江湖之決戰食神》舉行開鏡拜神儀式，演員葛優、鄭容和及衛詩雅都有出席，戲中飾演大廚的霆鋒自爆經常鑽研新菜式，更要工作人員充當白老鼠試食。而霆鋒近排新聞多多，屢傳與王菲結婚的他首度回應：「唔係。呢個問題唔答唔得。（有冇諗過結婚？）唔答。」對於前妻張栢芝盛傳欠債被貼街招？霆鋒表示：「唔知呢件事。」提到竇靖童推出新碟，霆鋒表示：「唔答，但有聽過。（童童音樂造詣叻過你？）叻過我有幾難！」