袁偉豪着土豪金底褲 色誘黃智雯

袁偉豪、陳智燊與黃智雯擔演的新劇《三個女人一個「因」》昨日在將軍澳電視城試造型，兩男在劇中周旋於性格分裂的黃智雯之間。原本該劇由羅仲謙主演，有傳因太太楊怡為免丈夫惹桃花逼他推辭，但被指「執二攤」的袁偉豪聲稱無所謂，更要在劇中表演脫衣舞。

袁偉豪在劇中有一幕要表演脫衣舞色誘黃智雯，他笑言這場戲其實是黃智雯幻想的畫面，「智雯收到劇本後已即刻叫我操定六嚿腹肌，不過我都有底綫嘅。（要除剩底褲跳舞？）最多都係着參選香港先生時的土豪金三角褲囉。（智雯對你好多幻想？）我哋合作過幾次，好多嘢可以開心見誠去講，佢叫我唔使怕羞，仲叫我着T-back跳。」他戲言會叫女友岑杏賢幫他揀底褲，始終用女性角度去揀效果會更佳。

對於被指執羅仲謙二攤，袁偉豪大方表示不介意。「我唔知，不過無所謂，多個機會咪好好把握，大家都係向前行緊。」

執羅仲謙二攤

至於黃智雯在劇中飾演人格分裂的角色，要同時演繹三種不同性格，包括演陳智燊的未婚妻律師、狂野女人及模特兒。劇中不單會與袁偉豪談情，更會和郭子豪有激情演出。智雯形容今次猶如考牌，擔心自己拍到精神分裂。

提到有指楊怡不想羅仲謙惹緋聞而被逼辭演，智雯表示：「都未正式拍，角色仲有機會轉變，呢個組合都幾好，同阿Ben（袁偉豪）合作過有默契。至於報道係假嘅，最近都有同楊怡、羅仲謙食飯，佢因為有其他工作先接唔到呢個劇。」

撰文：Pauline

編輯：林梓添

設計：鄧俊明