減碳環保西餐 簡而鮮

位於元朗的新店Never Too Late，不但名字有趣，連門面、裝潢甚至餐廳理念都很有自己個性。水泥色牆、雲石枱皮椅子，再襯上特別找來香港老師傅做的霓虹燈飾，又帶點型格感覺。小店究竟賣甚麼呢？

店子由三位80後所開，當中兩位在元朗長大，而唯一的「外人」即主廚Kent最近已搬入元朗居住，他們有感元朗坐得舒服的西餐廳不太多，膽粗粗自己開一間，由餐廳Design到餐牌都自己揸主意。三人想趁年輕闖一番事業，如店名一樣。

單看餐牌，平平無奇，以為是一般港式西餐，原來當中頗有理念。單是沙律，款式天天不同！Kent說：「蔬菜大都向錦上路的日豐農場取貨，不少是有機菜，外國品種蔬菜也多，沙律款式視乎農場當日提供的蔬菜而定，希望食客吃得新鮮時令。」豈止新鮮時令，食本地菜仲有助減碳！海鮮亦多來自歐洲，除了因為質素好，更因為Kent想盡量使用環保持續海鮮；而肉類則以草飼的為主，肉質較瘦，勝在味道天然。部分菜式還會加入其他本地食材，環保之餘，盡量做出本地特色。

慢煮烹調保原味

菜式賣相在小店來說很出色，因為Kent在不同的西餐廳中工作過，當中包括酒店集團，而為了令食物質素更穩定，他會用慢煮機烹調，既能保持食材原汁原味，亦方便控制生熟度。像偏瘦的草飼牛肉，慢煮後變得軟腍嫩滑；大大件的澳洲斧頭扒呢，先用65℃低溫煮三小時，再因客人要求的生熟度煎香表面，入口香，內裏juicy，肉汁又不會暴瀉出來。當然，牛扒汁都是自家用全牛骨熬足三日做成，牛味十分香濃，入口一刻才知心思所在。小小店子，每個細節都蘊藏着大信念。

Never Too Late

地址︰元朗青山公路元朗段1號珍珠樓地下7號

電話︰2442 7888

平均消費：$300

編輯：余運慶

設計：Simon