瘋狂美食之旅 丁悅掃街歎榴槤

樂壇新人丁悅（Tiffany）月中應邀到馬來西亞出席活動，雖然行程緊密，但Tiffany都不忙隨工作人員到處遊覽及品嘗地道美食，更不介意站在夜市街頭大啖大啖歎榴槤，十分豪邁。

現年21歲的Tiffany身形嬌滴滴，不過原來「食力」驚人，而且最愛榴槤，令身邊不少男同事走夾唔唞。早前，Tiffany在馬來西亞登台後，跟一班工作人員外出食宵夜，眾人先到一間餐廳品嘗燒雞翼，面對成枱美食，Tiffany即時食指大動，她興奮表示：「除咗燒雞翼，我好想試呢間餐廳燒魔鬼魚好耐，不過食完覺得啲肉似雞肉，冇乜特別驚喜！」

去旅行開懷大嚼

大夥兒飲飽食醉後，Tiffany又要去夜市「掃街」，看到街邊美食的她忍不住高呼：「嘩，好多嘢食呀！」走了一會，Tiffany又突然興奮大叫：「呢邊有榴槤賣呀！」隨即衝到該榴槤車仔檔選購，為食的她更站在一旁即場食榴槤，邊食邊說：「真係好好味！」最後「K.O.」了大半個榴槤，認真厲害。她又自爆雖然家中只得她吃榴槤，但家人都會買回家給她吃，Tiffany表示：「我爸爸仲會幫我開榴槤，佢真係好大愛。」

Tiffany談起「掃街」更滔滔不絕，「我喺香港好少『掃街』，反而去台灣同泰國會晚晚狂食，我自己物質慾較低，寧願花錢去食，反正去旅行都係想舒服同開心。」

撰文、攝影：倪小珊

編輯：林梓添

設計：鄧俊明