父女檔首次拍廣告 徐榮「馬家好」換片大作戰

徐榮囡囡徐心怡因《愛．回家》「馬家好」一角人氣急升，日前兩父女更首次接拍嬰兒用品廣告搵真銀。徐榮在廣告中為「家好」換片十分狼狽，他又自爆當年幫大仔換片，試過臭到反胃！

廣告中，徐榮幫「家好」抹屁股時雞手鴨腳，更被「家好牌黃金」噴了一身；而「家好」鏡頭前後同樣笑瞇瞇，絕不扭計，加上可愛萌樣及大眼睛，電暈一眾工作人員。徐榮讚愛女夠淡定：「囡囡拍劇要面對較多對手，今次廣告的主要對手就是自己，所以比較輕鬆。」他更感謝客戶及工作人員安排，讓「家好」有足夠時間休息及飲奶。

7個月大學轉身

徐榮笑言平日多由太太照顧兒女，自己從旁協助。「以前湊哥哥時，接受唔到換尿片見到、聞到啲便便，真係有反胃感覺。有過往經驗，今次湊女接受能力強了。」原來昨日「家好」正式七個月大，徐榮說：「囡囡現在識轉身，我第一次見她趴住瞓更嚇親呢！」

撰文：李潔盈

編輯：林梓添

設計：梁政敏