鄧穎芝唐紫睿 愈打愈好感情

鄧穎芝（Van仔）與唐紫睿（Hazel）因拍攝ViuTV真人騷《G1-格鬥會》而人氣急升，二人更成為好姊妹。前晚播出二人對戰賽事，她們更相約大班朋友，齊齊在酒吧欣賞比賽。提到Van仔比賽時差點扯甩Hazel背心走光，Hazel笑說：「當時差少少露點，好彩Van察覺到鬆手。」她笑言二人打完比賽，不但冇反面，相反友情更昇華，「我同Van仔睇得好開心，我打完呢場整親條腰，因為Van仔好大力，佢舉高我然後撻落地下，跟住我兩、三日都郁唔到。但我好多謝佢，如果唔係佢，我唔會show到呢幾個月我練得咁辛苦學到嘅嘢。」