嘉玲不知身家有多少

劉嘉玲昨晚與何超盈、梁詠琪、劉心悠及吳千語等出席「領賢基金慈善晚宴」，嘉玲近日捲入「巴拿馬文件事件」，她表示沒留意新聞，更一頭霧水說：「我的財務有正常的安排，而且我係一個奉公守法的人，唔希望成件事帶到去唔正確的方向。」又直言不知道自己身家多少，但就好有信心隨時可以退休享受人生，她笑言：「不過退咗休又可以做啲乜？（專心相夫？）相緊啦，邊相邊做，工作可以擴闊視野，唔一定要賺錢。」