軒仔拒做Kenny租客

前晚一眾歌手獲邀出席無綫舉辦的《2016勁歌金曲優秀選第一回》頒獎禮，張敬軒（軒仔）亦是其中座上客，他在接受訪問時，大爆好友關智斌（Kenny）擁有四個物業，但就表明不會租用對方物業。

張敬軒前晚憑歌曲《緋荔榭．少年》奪獎，歌曲是寫他上一間租住的屋，笑指得獎總算有個交代。他又表示在廣州飼養的一對高齡狗仔，一隻失明，另一隻肺積水，父母也費寢忘餐照顧牠們，令他十分擔心。另外，提到好友關智斌（Kenny）在內地賺人仔豬籠入水，更擁有四層物業，軒仔立刻踢爆：「佢點止呀，計埋啲模型屋唔止啦，不過佢好識理財。」問他會否考慮租Kenny名下物業？他笑言：「咁唔好，啲數好難計㗎！」

羅鈞滿直播致歉

至於主持羅鈞滿早前因醉駕被捕，下月27日將會宣判，前晚就在直播中向觀眾道歉。事後他表示：「今日收到稿知有呢Part，估唔到《勁歌》咁錫我，自己的確做咗一件好錯嘅事，好多謝公司畀機會我。」他不諱言有份的劇集已被抽起演出。對有機會入獄，羅鈞滿說：「作為成年人，自己做錯事會接受法律嘅裁決，最擔心係影響屋企人，兩老年紀大，自己做錯事令佢哋擔心，今次教訓一次就夠，提醒自己行條啱嘅路。」

另一得獎歌手鄭俊弘（Fred）透露在新劇《與諜同謀》中有連場動作及踩單車戲份，被問到踩單車好容易弄傷要害？Fred說：「所以我企起身踩，不過有場戲跌低時好彩借到力，否則整親塊面。」

撰文：Pauline

編輯：林梓添

設計：鄧俊明