小方坦承未放低舊情 Stephy含淚說心噏

方力申、鄧麗欣（Stephy）十年情玩完，然而小方對這段舊情仍未放低。Stephy昨日出席新片《女士復仇》開鏡活動時，亦默認對小方仍有感覺，甚至邊說邊忍不住落淚，但她認為復合與否需要timing去配合。

鄧麗欣在新片中有個專一老公，卻突然發現身邊出現小三、小四，充滿黑色幽默題材。

舊愛方力申最近在電台訪問中透露，仍未能放低多年感情，Stephy表示有留意報道，她說：「朋友講我知，我剛喺峇里返嚟，唔想再講我哋之間嘅事，希望呢段時間等大家慢慢丟淡，專注番我嘅工作。」

愛分很多層次

提到小方直認對她仍有感覺，Stephy即哽咽起來：「其實我睇到之後（個心）都噏噏地。」說罷雙眼登時通紅，之後已忍不住喊。

問她與小方還有聯絡嗎？Stephy定過神後再說：「其實唔係好適合去講。（想唔想復合？）我無諗。（小方話冷靜期間想到結婚。）講得好啱，唔係結唔結，係溝通同timing問題，分開之前同之後，我哋喺傳媒面前先會講呢樣嘢，私底下好少講，希望將來慢慢去處理。」是否冇機會復合？Stephy重申timing和溝通都好緊要：「愛分好多層次，唔止愛情，仲有家人。」

撰文：Pauline

攝影：Lego

編輯：陳禮恒

設計：梁政敏