【聲明】港生活網站並無進行電話推廣活動

傳洪永城求婚成功 馬明淡定:詩詠冇同我講

發佈時間: 2016/05/25

洪永城、唐詩詠早前到台灣拍拖旅行,有傳洪永城趁機向詩詠求婚成功。一直被指力追詩詠的馬國明,強調全不知情,並祝福她搵到個好歸宿。

無綫對網絡電影《愛情來的時候2》相當重視,安排於myTV SUPER做重頭戲,前晚更於九龍灣舉行群星優先場,佘詩曼、馬國明、黃翠如及黃浩然等主演者皆有出席。雖然今次拍攝第二輯,但阿佘仍大叫辛苦,希望收視好作補償,她說:「其實拍攝時間都幾緊迫,好彩風景靚,總算值得。」《愛情來的時候2》於本周六播映,當日適逢是阿佘的生日,她希望屆時工作順利,可以準時收工回家食飯。

柏豪無緣咀翠如

近日有傳洪永城已向唐詩詠求婚,馬明說:「我唔知喎,詩詠無同我講,可能應承咗先同我講啩。最緊要佢自己鍾意,覺得個男仔信得過,可以付託終生。(你覺得洪永城是否信得過?)我同佢唔熟,但相信唐詩詠嘅眼光。」

此外,周柏豪、黃翠如及黃浩然在台灣拍攝其中一個故事,柏豪表示:「拍得好艱辛,十幾日每日只係瞓兩、三個鐘,不過拍得好開心。」柏豪又笑稱以往逃不過與女拍檔拍接吻戲,但今次竟與翠如沒有咀戲,連他亦有點意外。

撰文:Pauline

編輯:陳禮恒

設計:梁政敏