成功源於Brainstrom 廣告主角親自度對白

訪問中，林嘉琪坦言是次合作非常驚喜，同各參與者交流的時候，大家互相出蹺，期間黎明更是爆肚連連，Kim直指「日曦都差點接唔到！」

這條廣告片熱爆，林嘉琪笑言，自從短片出街後，不少朋友和行家也追問：「黎明是不二之選嗎？」今天她重申：「係！」她解釋，本港近年很多藝人也使用網媒，但玩得叻的人少，即使玩得叻，亦未必有黎明那種魅力。

投入爆燈 大玩金句

「最初認定了他，都是膽粗粗試下聯絡。做唔做廣告，都係要飲咗先講，於是先送上一些咖啡給他試飲。我知道他本身好喜歡喝咖啡，仲擔心唔知啱唔啱佢口味，點知好快就收到通知，可以見面詳談下一步。」

黎明給予她15分鐘時間，於是接到通知翌日她單人匹馬赴會，甫見面，即問黎明對新配方的意見，誰知金句王又上身：「甜味嗰隻唔係好甜，唔甜嗰隻又有少少甜。」把Kim弄得哭笑不得。而往下來生意上的傾談，Kim卻大叫「好爽」。「可能佢本身是老闆，好明白我們要甚麼，也給了好多意見，意想不到最後同我傾咗成個鐘。」更意想不到的是，黎明對製作的投入感爆燈。

擦出火花 互相出蹺

「同佢開會，佢竟然反Sell我，話5分鐘可以俾3條蹺我。個腦一路轉一路拋Idea出來，Feel到你有少少唔對路就即改，所以片中很多金句，例如『唔好理黑咖啡、白咖啡，只要好飲就係好咖啡』都出自他手筆。」

很多人認為廣告片的一大亮點，是黎明唱罷「如劉江……」之後，劉江真的出現了。對邀得劉江參與拍攝，又是另一故事。Kim說，當時她認為既然歌詞寫到，就要真的有劉江出現才算「爆」。可惜當時劉江正在內地拍劇，正當大家想放棄時，Kim仍非常堅持，更豪語：「佢喺邊？我一定要買機票包佢返嚟！」結果就促成了這個經典場面。

（原文刊於IMoney）