洪永城舊愛網上挑機 唐詩詠懶理情敵

洪永城近日被指趁女友唐詩詠與契哥馬國明出埠拍旅遊節目時，相約舊愛Bird Tse，有傳詩詠嬲到爆。為了安撫女友，洪永城前日在ig貼出二人合照，並留言：「黐綫，我哋不知幾好。」兩人以行動證明情未變。昨日詩詠出席活動時聲稱不會管男友，否則這段關係不會長久。

洪永城的「前度」Bird Tse在fb貼出挑機合照，又Tag上「明天我要嫁給你」字句，有報道指詩詠因此而擱置買樓大計，又有指詩詠對男友仍然花心感到失望更爆喊。

昨日詩詠出席《澳門旅遊局活動》被問到男友「翻撻」舊愛一事，詩詠說：「好小事，花邊新聞唔使咁緊張，佢嗰日都有同我講去飲嘢，（買樓計劃煞停？）一直都無呢個計劃，（影到你哋去半山睇樓喎。）去散步之嘛。」被指男友激到她爆喊，她笑言連自己都不知。

否認到半山睇樓

詩詠重申不會凡事都管住男友，認為這樣做令一段關係不會長久，互相尊重才最重要。對於Bird留言挑機，她立即說：「No comment。」她會否照辦煮碗約會舊愛？詩詠稱：「自己無刻意去做呢啲事，相信如果我有呢個選擇，另一半都會尊重。（100％相信男友？）大家唔使咁多忖測。」至於被指在街上黑面，她笑言不笑時就會黑口黑面，那次因突如其來有記者在場，覺得好驚才會這樣，純粹是美麗的誤會。

契哥馬國明曾寄語她揀男友應該睇定些，詩詠明白可能大家緊張自己，說罷突然別過面用手捽眼，原來眼睫毛脫落，她邊用紙巾抹邊笑說：「又話我喊㗎喇！」問到要向馬明介紹洪永城認識嗎？她說兩人是同事，彼此早已認識對方。

採訪：Pauline

攝影：Lego

編輯：林梓添

設計：鄧俊明