拍內地真人騷傷腳 阿Sa痛到標眼淚

蔡卓妍（阿Sa）早前參加內地真人騷節目《全員加速中》時，不慎從台階上摔倒傷及左腳，要送往醫院診治。昨日她出席預防HPV活動時，仍要撑住拐杖包紮左腳，一拐一拐現身。

安排在活動上坐着的阿Sa，表示雖仍紮住繃帶，但是行平路絕無問題，痛楚也沒之前般嚴重，預計幾星期後可以完全康復。她笑言：「其實右腳有時仲辛苦，因為要就住左腳行。」阿Sa表示事發時幸好有運動康復治療師在場，立刻為她扭正傷患處，「平時我真係好少喊，嗰次畀治療師Chok咗隻腳兩下，痛到眼淚不停標出嚟。」好姊妹容祖兒也替她心痛，斥責該節目不顧參賽者安危，不過好動的阿Sa揚言，下次會再參加。

問到受傷後工作可有受影響？她說金錢上當然有損失，不過她鬼馬表示現時用的輪椅和拐杖都是節目單位負責，她笑言：「媽咪見到我紮住腳返嚟，竟然第一時間關心輪椅同拐杖質素。」問到回復單身的她，腳傷豈不是少了人呵護？她醒目表示：「五湖四海嘅人都有短訊慰問，由拍攝到整傷期間完全無助手在旁，之後開手機，好快收到幾百個留言，有少少感動。」

Gigi計劃明年再生B

另外，Gigi自言做了媽咪後，更注重個人健康，更笑言近日開始與老公Sergio研究長命大法。雖然十年前已開始注射HPV疫苗，大頭蝦的她，每次打完第一針後就忘記打第二、三針，不過，Gigi謂今年一定要打齊針，事關計劃明年再懷孕，無論仔女都好，只希望為女兒Sofia找個伴。

採訪：Pauline

編輯：林梓添

設計：鄧俊明