古惑佬包機趕場好架勢

自稱「樂壇冰鮮肉」的鄭伊健、陳小春、錢嘉樂、林曉峰和謝天華五名「古惑佬」舉行的《歲月友情世界巡迴演唱會》，由去年底至今已經跑了近20個站開騷，日前完成貴陽站後，主辦單位為確保順利抵達上海開騷，豪花七位數字包機直飛上海，每個座位都印有「歲月友情」Logo外，五子的專屬椅套更印了他們的名字，非常有型。小春說：「我入行年資都唔少，試過坐快艇、電單車趕場做騷，但係包飛機都係第一次，仲要係台前幕後百幾人包一架民航機，真係威水！」

而林曉峰說：「我哋五個走埋一齊真係破咗好多紀錄，經歷好多難忘回憶。呢九個幾月喺20個地方開演唱會，場場爆滿，Fans非常熱情，之前北京站開賣唔使十分鐘售出近四萬張飛，創咗我哋賣飛最快紀錄！」伊健說：「我哋五個因為一部電影走埋一齊，仲要唔係個個唱家班而開演唱會，所以最初唔係咁多人睇好，結果我哋做到！」