林峯搭港鐵險被認出

近年轉戰內地市場的林峯，留在內地的時間總比在香港多，不過他就表示在香港也經常搭港鐵，還大讚在繁忙時間可避免路面交通擠塞情況，他亦偶然在車廂內遇到有趣的事，回想起來也覺可笑。

林峯昨日獲邀出席港鐵活動，並即場抽出7月12日出生的成為幸運兒，林峯更獲贈一張「全年通」車票。活動後記者笑問他一年搭到幾多次港鐵？誰不知他卻說：「其實我都成日搭，過往真係比較少，不過遇上繁忙時間，搭港鐵會比路面行車快好多。」問他需要喬裝搭車嗎？林峯笑言：「咁又唔使，我都係香港市民嘛。（乘客見到你有咩反應？）佢哋話我似林峯，我答佢：『我都覺得幾似。』」

對於早前已宣布退休的監製李添勝表示，最遺憾未能與林峯合作，他表示：「其實我都希望同添哥合作，佢係一個非常好嘅監製，好多經典作品，知道佢呢段時間會休息，睇下將來有冇機會合作啦。」此外，有傳無綫主動斟他回巢拍《溏心風暴3》，林峯聞言後表示無收過消息，加上今年底之前會返內地拍劇，之後又忙做巡迴騷，一直忙到明年底才停下來，相信就算邀請都無時間拍了。

一哥地位未動搖

談到盛傳李克勤加盟英皇，他在英皇的「一哥」地位會否動搖？林峯表示：「佢（克勤）一直都係我前輩，而且公司在工作分配上會做得好好，每個藝人都能夠獨當一面。」林峯表示曾與克勤在節目內合唱過，相信要是做同事的話，將增加合作機會。

採訪：Pauline

攝影：林良明

編輯：林梓添

設計：nc