Chilam落閘禁魔童入娛圈

張智霖（Chilam）日前偕老婆袁詠儀和囝囝Morton（魔童）遠赴意大利享受10日假期，魔童在旅行期間不停上載照片，吸引過萬人追蹤，人氣爆燈。不過，Chilam坦言不贊成囝囝入娛樂圈發展。

張智霖昨早剛落機，下午隨即出席其聲演的動畫電影《Pet Pet當家》宣傳活動。叉足電返港的他，明顯容光煥發，他表示首次到意大利，這10天都住在船上，幾乎日日歎海鮮，他笑言：「一落機即刻食咗叉燒飯，太好味。」

何浩文唔敢約麥明詩

兩父子旅行時在fb玩直播，Morton在鏡頭前相當活躍，網民讚他又靚仔又懂得搶鏡。Chilam表示兒子玩完一次立即上癮，經常嚷着要玩live。

Chilam和靚靚近年明顯沒有像以前般「收埋」個仔，對於囝囝的IG已有近兩萬人追蹤，Chilam好奇問：「佢只係學生，唔應該咁多人關注。（網民讚佢英文好。）佢淨係識英文，不過個個都話佢瘦，咁我又可以叫佢食多啲，唔好掛住飲汽水。」Morton天生上鏡，Chilam卻不准他做幕前，唔覺他有這方面的天份，還說世界上還有很多工作可以做，Chilam笑言：「或者一係叫我收檔。」何浩文昨日到場睇首映，隨即被追問有關他「力追」麥明詩傳聞，他表示二人一齊拍劇，但暫時不會諗約會，免得招惹閒言。

採訪：Pauline

攝影（部分）：Lego

編輯：陳禮恒

設計：梁政敏