同顏卓靈拍住拖開工 白只：我未過試用期

36歲的白只與《狂舞派》22歲女星顏卓靈（Cherry）拍戲拍出真感情，日前被傳媒踢爆戀情後，他們大方在網上公開認愛。兩人昨早更一齊見傳媒。

顏卓靈、白只昨日在上環出席新片《今晚打喪屍》開鏡儀式，同場還有白只的好兄弟張繼聰。記者要求他們一齊影合照，阿聰起初站在他們之間頓時變成「電燈膽」，阿聰稱：「你哋可以key走我！」至於「白靈戀」何時開始，白只支支吾吾謂：「無謂講啦，想低調啲，總之有一段時間啦，但我未過試用期㗎，每日都喺度追緊佢。」Cherry直言欣賞男友的才華，白只則表示欣賞女友真誠率直。

「白靈戀」正式浮面

Cherry坦言自從拍拖後，也考慮過搵機會公開戀情，不過日前二人被影到在公園咀嘴，令戀情正式浮面，她反而覺得輕鬆了。有指女方十分進取，Cherry笑言：「呢啲嘢輪流（做主動）啫，呢個世代唔一定要男仔做主導嘅。」問到當初是誰採取主動？白只立刻搶答：「梗係我啦，佢點都係女仔嚟嘅。」此外，有傳白只曾經向《踏血尋梅》拍檔春夏示愛，Cherry就「冇有怕」表示：「其實我愛春夏多過佢。」有傳顏爸爸一直嚴選未來女婿，不知道對白只有何評價？Cherry續說：「父母講嘅嘢，唔可以講出來。」

撰文：Pauline

編輯：陳禮恒

設計：Stephen