陳豪唔想同Aimee拍劇

陳豪（阿Mo）已是三位孩子的爸爸，他十分重視小朋友的教育，更經常以身作則，但他自言會學似一般家長想把最好的給子女。至於太太陳茵媺（Aimee）短時間內應該不會復出，阿Mo強調不會阻止她在熒幕發展，但就不想一齊拍劇。

陳豪昨日以嘉賓身份出席在希慎廣場舉行的「惜食堂——全『誠』罐膳心2016」活動，活動進行前，阿Mo接受媒體訪問，他表示未組織家庭前也經常行善，有了小朋友後，更會向他們灌輸要擁有一顆善心。阿Mo表示與Aimee分別先後助養了三個孩子，還會定期互相寄信及賀卡保持聯繫，問他會否考慮帶幾個孩子探望助養兒童？阿Mo說待他們長大一點再計劃，現階段三個孩子還小，要慢慢教育他們。

孩子爭執自行解決

談到三個小可愛，阿Mo即笑得開懷，他坦言兩個仔已開始爭玩具，甚至會打交，不過作為父親的他，不會馬上「勸交」，反而會退後一步，讓兄弟自行解決，他說：「佢哋唔會打好耐，亦唔會拳拳到肉，有時爭下玩具反而會增進感情。其實佢哋好多時都好friend，兩兄弟知道妹妹細個又會錫妹妹。（會唔會對孩子過分緊張？）心態上教導佢哋嘅方針都會一致，要佢哋學識互助、互愛，我唔敢話自己係怪獸家長，不過作為父母都會將最好嘅畀小朋友。」

目前繼續放假照顧三個仔女的Aimee，會否放棄幕前專心做好媽咪的角色？阿Mo笑謂：「拍戲係佢嘅夢想，我唔會阻止，不過一齊出鏡嘅話，應該只限於廣告或活動，幕前一齊演出盡量都唔會，始終我哋已經係夫妻，觀眾會無晒幻想，不同對手反而更好睇。（拍真人騷？）呢方面可以磋商嘅。」

採訪：Pauline

編輯：黃寶恩

設計：梁政敏